Flori Mumajesi, artisti i cili prej vitesh i ka munguar skenës muzikore dhe ekranit duket se së shpejti do të rikthehet. Sipas Vip Magazine, Mumajesi i cili vitet e fundit është shpërngulur në Kosovë, me rastin e ditëlindjes ka festuar me miqtë në Tiranë. Këta të fundit kanë kërkuar me ngulm rikthimin e tij në muzikë e mesa duket planet e artistit sapo u zbuluan.
Jo vetëm kaq! Një detaj që ngriti dyshime të forta për rikthimin e tij në skenë është edhe fotoja e profilit të tij në Instagram. Një pusullë e bardhë ku shkruante: “Pak Flor”, duke bërë që ndjekësit të mendojnë se ky mund të jetë emri i albumit të ri të Florit, raportoi Iconstyle më herët (lexo këtu)
Tashmë nuk na ngelet gjë tjetër veçse të presim edhe reagimin zyrtar nga artisti i cili prej kohësh ka vendosur të distancohet nga rrjete sociale dhe të mos shfaqet më në publik, për arsye të cilat ende nuk dihen. Ndonëse është zhdukur prej kohësh nga bota e muzikës, këngët e tij vazhdojnë të dëgjohen edhe sot. (lexo këtu) Megjithatë, Flori ka hequr të gjitha projektet nga kanali i tij zyrtar, por disa prej tyre figurojnë në kanale të ndryshme.
