Ditën e sotme, moderatorja Fiori Dardha feston 40-vjetorin e lindjes së saj.
Mirëpo kjo ditëlindje ka qenë totalisht e pazakontë për moderatoren, të cilës i është dashur ta festojë sa më larg personave të dashur.
Fiori ka vendosur të vetëizolohet dhe të mos ketë asnjë kontakt me personat e saj të dashur.
Kjo pasi moderatorja ka kontakte të shumta me njerëz të ndryshëm në punë, ndaj kërkon t’i mbrojë familjarët nga virusi vdekjeprurës i cili po përhapet në masë.
“40 vjetor në kohen e Koronavirusit! ?
Zgjodha te publikoj kete foto sot, ne diten e lindjes sime, sepse mezi pres ta takoj, ta puth dhe ta perqafoj fort djalin tim!
Prej 3 ditesh, bashke me gjysherit, Abeli ka hyre ne izolim dhe une (qe shkoj cdo dite ne pune dhe kontaktoj me dhjetra persona), kam vendosur te shmang cdo lloj kontakti fizik me ta!
Jam perpjekur ta qetesoje djalin, duke i shpjeguar me fjale te thjeshta qe keto masa merren per te siguruar shendetin e tij dhe te gjysherve qe ai i do aq fort!
Urimet i mora ne telefon dhe “Happy birthday” e kenduar prej Abelit ishte dhurata me e bukur ne kete ditelindje te pazakonte!
T’i urojme njeri – tjetrit SHENDET!
Ne kohe si keto duhet te ndergjegjesohemi dhe kuptojme se nuk ka asgje me te rendesishem se shendeti! ?”- shkruan moderatorja krahas fotos së ëmbël me të birin.
https://www.instagram.com/p/B9oUBiRHK8e/
Deri tani, numri i të prekurve në Shqipëri ka arritur në 23 dhe harta e tyre është zgjeruar në vend, pasi përveçse në Tiranë dhe Durrës janë konfirmuar raste edhe në Elbanas dhe Rrogozhinë.
