Xhemi Shehu dhe Arbana Osmani janë shoqe të ngushta prej shumë shumë kohësh. Madje 9 vite më parë, ato zgjodhën edhe shtëpitë pranë njëra- tjetrës, duke ndarë kështu të njëjtën lagje.
Megjithatë, mjë histori e re dashurie me regjisorin Eduart Grishaj, duket sikur e ka lënë pakëz në hije miqësinë e tyre të veçantë, të cilën e shprehnin me postime aspak të sheqerosura.
Madje, edhe urimet për ditëlindjen e njërës apo tjetrës, i kanë patur krejt e kundërta e sheqerosjes.
Sot, urimet publike të Arbanës për Eduartin dhe të Eduartit për Arbanën, pushtuan median dhe rrjetet sociale.
Pas kohësh spekulimi se ka diçka mes moderatores së “Dua të të bëj të lumtur” dhe regjisorit, ata nuk duket të kenë në plan ta mohojnë.
Por ndryshe nga vitet e tjera, urimi i Xhemit për Arbanën kaloi thuajse pa u vënë re nga njerëzit, edhe pse ishte shumë i veçantë.
Me një portret jo edhe aq të arrirë të mikes së ngushtë, Xhemi postoi urimin më të ëmbël që mund t’i ketë bërë Arbanës gjatë viteve të fundit.
“Edhe 100 Arbana… Ti e di që unë të dua, pavarësisht gjithçkaje”, i shkruan Xhemi në një postim në Instastory.
Dhe sigurisht nuk mund të presim që t’i dedikojë një postim si të Arbanës edhe Eduartit, por në komentet e Eduartit në Instagram, emri i Xhemit nuk duket kund.
Jo se e përjashtojmë mundësinë se Xhemi e ka parë rastësisht në rrugë Eduartin dhe e ka uruar ose, me ndonjë mesazh në Whatsapp, ndodh. Sidoqoftë, nuk kishte si të mos na bënte përshtypje.
