Më 7 maj çifti i dashur për publikun shqiptar, Eduart Grishaj dhe Arbana Osmani festuan ditëlindjen dhe në këtë ditë kaq speciale, dyshja u “arratisën” jashtë vendit, në qytetin e bukur të Milanos.
Atë ditë, Arbana publikoi një foto ku dukej e veshur me të zeza, teksa në dorë mbante një tuftë të madhë trëndafilash që me shumë mundësi ia kishte dhuruar gjysma tjetër e saj.
“Faleminderit të gjithëve për urimet e bukura, love you all”, shkroi moderatorja krahas fotos.
Nga ana tjetër, Eduarti publikoi një foto ku shfaqej së bashku me Arbanën teksa i uronte ditëlindjen të shtrenjtës së tij.
Ata e shijuan qëndrimin në Itali për disa ditë me radhë dhe na “qerasnin” herë pas here me imazhe nga udhëtimi i tyre. Së fundmi, ata na treguan se janë kthyer në Shqipëri dhe mesa duket surprizat e tyre s’paskan fund
Eduarti ka publikuar në InstaStory disa foto ku vihet re se po festohet edhe pas disa ditësh për ditëlindjen e çifitit.
“Ditëlindja vazhdon si viti i ri, një jave”, ka shkruar regjisori krahas fotove.
Në këto imazhe të publikuara, shihet se të ftuarit e dyshes është stafi i emisionit të njohur “Dua të të bëj të lumtur”.
Kujtojmë se Arbana ka lindur më 7 maj të vitit 1983 dhe sot ka mbushur 38 vjeç, Eduarti ka lindur 4 vite pas partneres, pra ai mbush 34 vjeç.
