Një lajm i trishë është bëri i ditur për familjen e futbollistit të njohur, Gonzalo Higuain. Nëna e tij, Nancy Zacarias është ndarë nga jeta pasi në vitin 2016 është operuar për shkak të sëmundjes së rëndë të kancerit dhe këto kohë nuk kanë qenë aspak të lehta për të. Ajo luftoi shumë, por fatkeqësisht nuk ia doli në fund.
Nancy ishte e lidhur ngushtë me sportin, pasi edhe partneri i saj, Jorge Higuain, ka luajtur në të shkuarën si mbrojtës për klube si Boca Juniors dhe River Plate.
Kujtojmë se vitin që lamë pas, Gonzalo u largua nga Juventusi drejt Argjentinës për t’i qëndruar pranë nënës së tij, që nuk ishte në gjendje të mirë shëndetësore. Sulmuesi madje ishte gati edhe ta linte futbollin dhe këtë e ka pranuar edhe vetë.
“Isha gati ta lija futbollin, por nëna ime më tha jo dhe se duhet të vazhdoja. Nëse do varej nga unë, do të hiqja dorë. E dua futbollin, por më shumë dua nënën time. Ma tha që nuk do të më lejonte ta lija futbollin për të”, ka thënë Higuain në një intervistë të dhënë për “Marca”.
Gonzalo Gerardo Higuaín ka lindur më 10 dhjetor 1987 dhe është një futbollist profesionist argjentinas.
