Ditën e sotme, studentët e nisën duke protestuar përpara Kuvendit dhe rreth orës 14.00 u zhvendosën përpara godinës së Kryeministrisë. Orët kalojnë dhe të rinjtë vijojnë të qëndrojnë në të ftohtë, duke shpresuar se kryeministri Edi Rama do të firmosë kërkesën e tyre me tetë pika. Mirëpo, ky i fundit ka zgjedhur “Instagram-in” për t’iu drejtuar të rinjve, duke i lutur që të dialogojnë.
Madje, bën edhe autoironi me meme-t e publikuara në rrjetet sociale.
Ndërsa përpara Kryeministrisë, studentët u përballën me policinë, pasi nuk i lejuan të sillnin disa fuçi me lëndë drusore për t’u ngrohur. Pavarësisht tentativës për t’i bllokuar, studentët arritën t’i sillni ato pranë grupit ku janë edhe protestuesit e tjerë. Ata kanë marrë edhe ushqim si dhe ujë dhe paralajmërojnë se do të qëndojnë gjithë natën.
