Sekretarja e Kryetarit të Bashkisë në Kavajë, Redian Kralit, ka rezultuar e infektuar me Covid-19.
Sipas “Dosja.al”, të tjerë punojës të bashkisë kanë dalë gjithashtu pozitivë në testin për virusin.
Kështu, bashkia e qyetit të Kavajës ka ndërprerë shërbimin dhe ka mbyllur dyert e saj.
Ende nuk dihet nëse kryetari i bashkisë e ka bërë tamponin dhe ka marrë një përgjigje nëse është apo jo i infektuar.
Deri tani, në Shqipëri janë shënuar 111 viktima dhe 1631 persona janë aktivë me Covid-19.
Aktualisht në dy spitalet COVID, në spitalin Infektiv dhe spitalin “Shefqet Ndroqi” po trajtohen 110 pacientë, 14 në terapi intensive dhe 1 person i intubuar.
