Ribashkimi i tyre është përfolur gjatë gjithë kësaj kohe, por mbrëmjen e sotme (1 tetor) shumë gjëra priten të arrin përgjigje.
Bora Zemani do t’i shkojë në shtëpi Donald Veshajt. Teksa edhe pak orë na ndajnë nga fillimi i edicionit të dytë të “Më lër të Flas”, ku e ftuar është edhe moderatorja, nuk kanë munguar ngacmimet në faqet zyrtare të Instagramit si nga Donald Veshaj, por edhe Bora Zemani.
Kjo e fundit ka ndarë në Instastory promon e emisionit, ku përshkrimi poshtë ka marrë gjithë vëmendjen.
“Ajo unaza që lëviz gjithë kohën nëpër gishta, tregon shumë për emisionin,”ka shkruar Zemani.
Në këtë mënyrë moderatorja ka treguar ndjesitë e saj gjatë kësaj bisede, ku duket se nuk do të mungojnë edhe situatat edhe pyetjet që edhe Borën e kanë vendosur në siklet.
Ne na mbetet të presim puntatën e sotme.
Pasi u shfaqën vazhdimisht së bashku në sytë e publikut dhe pasi mikesha e tyre Semi ‘konfirmoi’ ribashkimin me një foto, Bora dhe Donaldi s’kanë ç’të fshehin më. Ata kanë marrë një “hap të rëndësishëm” në marrëdhënien e tyre, duke i lejuar të gjithë ta marrin vesh se janë bashkë.
Pas kaq muajsh, Bora dhe Donaldi ndiqen sërish në Instagram dhe ky veprim është marrë gjithashtu si konfirmim i romancës.
Bora e hoqi Donaldin nga lista e ndjekësve gjatë kohës që ai nisi marrëdhënien me Beatrix brenda “BBV”. Jo vetëm Donaldin, ajo hoqi nga lista e ndjekësve edhe dy vëllezërit e tij.
Megjithatë, gjërat mes tyre u rregulluan pas daljes së Donaldit nga reality-show dhe romanca ka vazhduar aty ku ishte lënë në mes.
