Tayna publikoi pak më parë në Instagram një foto të vetën me kapelën e studentit të diplomuar dhe rrotullën e diplomës në dorë.
“Momente lumturie dhe krenarie”, shkruajti Tayna.
Proud and happy moments??? #cse
49.8k Likes, 1,091 Comments – Tayna (@tayna) on Instagram: “Proud and happy moments??? #cse”
22-vjeçarja u bë e njohur vitin e kaluar si repere, për shkak të suksesit të këngës “Columbiana”, që u pasua nga një sërë klipesh nga ana e Tayna-s.
E megjithatë në dhjetor, reperja u shpreh në një intervistë për “Express” se kishte vendosur që pavarësisht të gjithave, të mos hiqte dorë nga shkollimi.
“Gjithmonë edukimin kam pasë të rëndësishëm dhe ma merr mendja me thënë “S’kam fakultet” në ditët e sotme nuk është shumë lavd. Unë jam pro edukimit dhe më pasë një diplomë përveç karrierës, më pas edhe një plan B se këndimi nuk zgjat gjithë jetën”.
Cili është plani B i Tayna-s? Shkenca kompjuterike! Ajo sapo përfundoi vitin e tretë bachelor për këtë degë.
Ndërkaq, kënga e saj më e re, “Caliente” u publikua vetëm dy ditë më parë. Një shembull për t’u marrë: edhe shkollë, edhe muzikë!
