Ndonëse tani reperi Getoar Selimi ka një martesë të lumtur me Marina Vjollcën, vite më parë internet ziente nga lajmet e lidhjes së tij me moderatoren Liberta Spahiu.
Të gjitha mediat flisnin për ta dhe askush prej tyre nuk foli në publik për lidhjen që kishin. Gjithçka u konfirmua vetëm pas ndarjes, kur më në fund Liberta tregoi edhe arsyen se pse i dha fund lidhjes së saj me reperin.
Moderatorja tha se kishte pasur probleme dhe mosmarrëveshje me Getoarin për shkak të punës së saj si gazetare. 
Pas ndarjes dyshja është përballur disa herë në evenimente të përbashkëta, por nuk dihet ende se çfarë raporti gëzojnë.
Megjithatë një video e publikuar së fundmi nga Fifi tregon shumë.
Këngëtarja ka publikuar në Instastory një video të moderatores teksa shfaqet duke kërcyer dhe kënduar me këngën e Getoar Selimit, “Mori”.
Videoja është postuar më pas edhe nga vetë Liberta, e cila duket se është duke xhiruar për “Prive Reality 2020”.
