Para se të bëhej e famshme për publikun e gjerë, Loredana Zefi shfaqej nëpër videoklipet e partnerit të saj asokohe, Mozzik.
Shpesh në klipet e Mozzik shikonim në sfond Lorin, si “modele”, si mbështetëse e partnerit dhe si bashkëpunëtore por pa mikrofon në dorë. Ajo këndonte në sfond pa e dëgjuar askush, derisa mori guximin të marrë mikrofonin dhe t’i tregojë botës talentin e saj.
Pasi u kthyen në çiftin më “të pushtetshëm” të showbiz-it, më të komentuarin si për suksese, ashtu edhe skandale (ai i vjedhjes së të moshuarës në Zvicër nga vëllai i Loredanës), duket se dyshen e morën mësysh.
As vajza e tyre Hana nuk arriti t’i mbajë të bashkuar, pasi Loredana dhe Mozzik ndoqën rrugë të ndryshme në jetën e tyre. Lori mori famë të madhe jashtë vendit, jeton me të voglën e tyre dhe shpesh përflitet për romanca që kanë rezultuar të pavërteta.
Mozzik nga ana tjetër i është përkushtuar tregut shqiptar dhe duhet ta pranojmë se ka sjellë hite! Një prej këngëve të bujshme ishte bashkëpunimi me Noizy-n, “Madam”, që s’dimë pse u fshi nga platforma Youtube dhe pse çunat e prishën shoqërinë e tyre.
Fjalët lart e poshtë aludonin se Mozzik ishte mërzitur se Noizy kishte nisur një romancë me ish-in e tij, Loredanën. Në fakt, s’pamë asnjë romancë, por një super projekt të titulluar “Heart Attack”.
Suksesi u arrit, por si dikur me Mozzik, Loredana tashmë s’po i ndahet klipeve të Noizy-t. Kësaj here nuk këndon, por është “figurante” në projektin e sapo-publikuar “Benzi i ri”.
Lë kjo për të dyshuar? Varet nga këndvështrimi :p
Hidhini një sy këngës së re gjithsesi.
/Iconstyle.al
