Më shumë se sa vitet, Elena Likën duket se ka ndryshuar teknologjia. Modelja e nisi fillimisht rrugën drejt famës përmes rrugës më të shkurtër: Hyri në “Big Brother”.
Pavarësisht se shumë persona brenda apo jashtë shtëpisë e kishin anipati, ajo eci përpara me motivin: “Reklama e keqe, mbetet reklamë”.
Që në fillim, adoleshentja super elegante e shprehu hapur se nuk ishte aspak modeste dhe e konsideronte veten perfekte. Komentet se nuk kishte “asete” apo se ishte “shumë e dobët” nuk patën ndikim te ajo.
Ish-banorja e BB 6, pasi doli nga shtëpia u bë më e njohur si modele, ndërsa nisi akoma më tej angazhimin në këtë drejtim.
Por që kur merrte pjesë tek “Albania’s next top model”, dukej që kishte një marrëdhënie të natyrshme me kamerën.
“Duke u bërë pjesë e këtij formati, njoha edhe Aurelën, të cilën e shikoja gjithmonë nga televizioni dhe më dukej krejt ndryshe nga kjo vajzë e ëmbël, e realizuar dhe kaq e bukur”, do të thoshte Elena atëherë për mediat.
Tashmë mund të themi se pavarësisht se kanë kaluar mbi pesë vite, ndryshimi i Elenës vjen edhe nga editimi i fotografive.
Ndërsa nuk është përfolur ndonjëherë për ndërhyrje, modelja dëshiron që të jetë gjithmonë perfekte në imazh dhe pse jo disa centimetra më e gjatë se sa është në të vërtetë.
*Minuta 1:20
