Inspektoriati Kombëtar i Mbrojtjes së Territorit (IKMT) ka arritur të ndërhyjë në banesat e ‘mbajtura peng’ nga familjarët e Urës së Limuthit, Bërxullë, për t’i shembur ato në kuadër të projektit të autostradës “Thumanë-Kashar”.
Sot IKMT ka arritur t’i shembë tre shtëpitë që ndodhen në atë zonë. Fadromat kanë shembur godinat që do i hapin rrugën projektit të rrugës Thumanë-Kashar. Opozita e cila herë pas here i kushtonte vëmendje këtij rasti, nuk është bërë e gjallë, duke ia lënë rrugën e lirë Qeverisë për të vijuar diktaturën oligarkike.
Kujtojmë se familjet banuese në Bërxullë janë shprehur më parë se nuk janë pjesë e skemes dëmshpërblyese, e me prishjen e shtëpive nuk do kenë se ku të banojnë. Ata dolën në tarracën e një prej banesave, duke kërcënuar se do ndërmerrnin akte ekstreme nëse nuk do u sigurohej dëmshpërblimi i merituar për shkak të këtij projekti rrugor.
