Pas ndarjes së përfolur nga princ Leka, Elia Zaharia Zogu ka ndarë një moment shumë të veçantë me ndjekësit e saj në rrjetet sociale. Ajo feston ditëlindjen e katërt të vajzës së saj, Geraldine, duke postuar disa fotografi familjare.
Në postimin e saj, Elia shprehet mirënjohëse për bekimin që Geraldine i sjell çdo ditë, duke e quajtur “dielli i jetës” së saj. Ajo lutet për shëndetin dhe lumturinë e saj, duke i uruar një zemër të bardhë dhe një buzëqeshje që ndriçon të gjithë ata që e kanë pranë.
Postimi i plotë i Elia Zaharia Zogu:
“Sot dielli i jetës sime feston ditëlindjen e katërt. Ky diell dashurie ngroh zemrat tona duke i dhënë jetës ngjyrat më të ëmbla! Unë si mam i jam falënderuese Zotit çdo ditë për këtë bekim që me një buzëqeshje ma përkëdhel shpirtin sapo hap sytë në mëngjes… Zoti të dhëntë shëndet e ta zbukuroftë jetën me dashuri, me mirësi, e qofsh kurdoherë një zemër e bardhë dhe e gëzuar! Uroj që e qeshura jote e çiltër të buroje kurdoherë për të ndriçuar këdo që të ka pranë! Sa e mrekullueshme është jeta me ty, Geraldine!”
Ky moment i veçantë vjen pas një periudhe të trazuar mediatikisht, ku ndarja e saj nga princ Leka u bë temë e madhe në media. Megjithatë, Elia mbetet e përkushtuar në rolin e saj si nënë, duke ndarë dashurinë dhe kujdesin për Geraldinën.
