Diçka e re po vjen! Rina Balaj sapo na tregoi për çfarë bëhet fjalë
Këngëtarja Rina Balaj sapo zbuloi një lajm të ri. Ajo njoftoi të gjithë fansat e saj në Instagram se kënga e saj e shumëpritur ‘Bad Rosita’ do të lançohet me 16 mars.
Projekti më i ri muzikor po vjen sepse ndjekësit e saj plotësuan kushtin që këngëtarja kishte vendosur në rrjetin social në Instagram.Ajo kërkoi plot 500 mijë komente për ta publikuar në kohë. Ky kusht u plotësua pasi kushti u arrit në pak ditë dhe siç duket, Rina e mbajti premtimin e saj.
Këngëtarja ka me mijëra ndjekës në rrjetet sociale ku ndan me to herë pas herë detaje nga jeta e saj.
Disa ditë më parë për 13-vjetorin e Pavarësisë së Kosovës, ajo jo vetëm që uroi me fjalë zemre shqiptarët e Kosovës, por tregoi se i ka dedikuar edhe një tatuazh qytetarëve dhe vendit të saj.
Zjarri, hekurat e burgut dhe fluturat janë enkas për situatën e vështirë të Kosovës në vitin 1999.
“Gëzuar Ditën e Pavarësisë Kosovë! Sot më shumë se kurrë, lutem për liri dhe drejtësi për të gjithë ne. (Zjarri, burgu, dhe fluturat i dedikohen të gjithë qytetarëve të Kosovës që i mbijetuan luftës në vitin 1999, vitin kur unë linda.”- ka shkruar këngëtarja në 13-vjetorin e Pavarësisë së Kosovës.
