Leonardo DiCaprio nuk ka humbur aspak kohë pas ndarjes nga e dashura Nina Agdal pas një viti së bashku. Ai është parë nën shoqërinë e një modeleje të bukur gjermane që quhet Lorena Rae.
Të hënën, fituesi 42-vjeçar i Oskarit dhe bukuroshja 23-vjeçare zeshkane kaluan kohën në MoMA PS1 të New York City dhe drekuan në restorantin Hillstone në Park Avenue, sipas Page Six.
Vëzhgimet e fundit vijnë pasi të dy u fotografuan së bashku në Monako në fund të majit. Pastaj në korrik, Rae ishte në mesin e një grupi zhytësish në një jaht në San Tropez me DiCaprio dhe shokun e tij Tobey Maguire. Rae, e cila ka dokumentuar udhëtimet e saj në ” Instagram “, u pa gjithashtu me DiCaprio dhe miqtë në Big Apple javën e kaluar, në një biçikletë Citi.
DiCaprio dhe Agdal dolën për një vit dhe u ndanë në maj të vitit 2016. Pas ndarjes së tyre, një burim i afërt me aktorin i tha PEOPLE se ai thjesht nuk ishte gati të ndërmerrte hapin tjetër.
“Leo mendonte se Nina ishte një vajzë super cool”, tha burimi. “Gjatë kësaj kohe pothuajse dukej ndryshe, sepse ai ishte shumë më i dashur me të sesa normalisht, por miqtë e tij e dinin se nuk do të zgjasë. Ai nuk është i gatshëm për lidhje serioze dhe thjesht nuk ka mendje të martohet apo të ketë fëmijë”.
