Aktorët Leonardo DiCaprio dhe Brad Pitt do t’i shohim bashkë në një film dramë nga Quentin Tarantino, “Once Upon a Time in Hollywood”.
Filmi flet për një histori vrasjesh të famëkeqit Charles Manson, që ka ndodhur në Los Angeles në vitin 1969, ku DiCaprio do të luajë rolin e Rick Dalton dhe Brad Pitt si, Cliff Booth.
Tarantino tha se ka punuar me këtë skenar për pesë vjet, dhe se ka qenë vetëm 17 vjeç, në kohën e vrasjeve famëkeqe në LA.
“Unë jam shumë i emocionuar të tregoj këtë histori të një Los Angeles-i dhe një Hollivudi që nuk ekziston më”, shtoi ai.
Margot Robbie, e cila ka luajtur me yllin DiCaprio në “The Wolf Of Wall Street”, është kërkuar nga Tarantino për të luajtur rolin e Tate, njoftoi Deadline verën e kaluar.
Por muajin e kaluar, Robbie tha për “The Hollywood Reporter” se ‘asgjë nuk është zyrtare’ në aspektin e filmit dhe se ajo do të vriste për të punuar me Tarantino-n.
Regjisori fitues i çmimit Oscar ka punuar në të kaluarën, me DiCaprio-n në vitin 2012 në filmin “Django Unchained” dhe me Pitt në “Inglourious Basterds” të vitit 2009.
“Once Upon a Time in Hollywood” është planifikuar të dalë më 9 gusht 2019, datë që përkon me 50 vjetorin e vrasjeve të Charles Manson të orkestruara në verën e vitit 1969.
Burimi: Daily Mail
