Vrasja e tre anëtarëve të familjes Pocesta pak ditë më parë në Dibër të Madhe, Maqedoni tronditi mbarë opinionin publik. Amid Pocesta 55 vjeç, Nazmije Pocesta 53 vjeç dhe vajza e tyre Anila Pocesta 14 vjeç u ekzekutuan në oborr dhe më pas u gjetën nga nipi i familjes.
Fillimisht, për vrasjen makabre u arrestua dhëndri i shtëpisë, Rasim Findo, pasi ishin në një proces gjyqësor për pronësi. Por nuk vonoi shumë dhe u zbulua se vajza e madhe e familjes Blerta Pocesta, 28 vjeç së bashku me dy persona të tjerë njëri nga Dibra e Madhe e tjetri nga Gostivari, janë autorët e vërtetë të kësaj masakre.
Për herë të parë ka folur publikisht i akuzuari Findo, ku në një intervistë për “News 24” ka treguar se arsyeja e krimit të kryer nga vajza e madhe e familjes, mund të jetë përfitimi i 1.5 milionë eurove nga shteti italian pasi kryefamiljari Amid Pocesta ka qenë i siguruar në shtetin fqinj.
“Arsye ka patur një sigurim. Arsye parash. Sigurim në Itali. Ka sigurime jete, sigurime shtëpie, kupton … Edhe ajo do merrte pasurinë, prandaj ka zhdukur vajzat të gjitha. Ishte në rrezik edhe vajza tjetër.” – tregon ai.
Findo rrëfen se ngjarja ka ndodhur rreth orës katër të mëngjesit dhe vajza e madhe e familjes është ndihmuar nga dy persona, njëri nga Gostivari dhe tjetri nga Dibra, të cilët i kanë dhënë armën. Pasi kreu krimin makabër, ajo ka udhëtuar drejt Italisë.
