Përplasja mes gazetarit dhe administratores së firmës private, Mirela Topalli, bëri bujë. Por ndërsa deri më dje kishim vetëm versionin e njërës palë, tashmë kjo e fundit tregoi versionin e saj.
Në një intervistë për “foldrejt.info” Mirela tregon se ishte gazetari ai që u tregua i dhunshëm fillimisht, duke i rënë me forcë xhamit të makinës dhe më pas duke e gjuajtur me mikrofon në mjekër.
“Mua më kanë lajmëruar nga kompania që kishte ardhur një media e po filmonte dhe unë mora makinën për të shkuar atje dhe ata na kanë filmuar dhe nga pas, madje na kanë bllokuar rrugën. Më pas m’i ka rënë xhamit të makinës dhe ka qenë duke e thyer. I jam lutur që të më largohet nga makina dhe në atë moment ai më ka qëlluar me mikrofon turinjve”, shprehet Mirela, që siç tregon më pas ka përfunduar në spital.
Ajo thekson se nuk janë transmetuar të gjitha pamjet në emision.
“Nga emisioni nuk është transmetuar e gjitha pasi është shkëputur pjesa ku gazetari më ka goditur mua me mikrofon në mjekër dhe në atë moment kam dalë e makina e shokuar,”, tha Topulli.
Nën shoqërinë e operatorit, ndodhej për të investiguar, situatën e hedhjes së mbetjeve spitalore, nga kompania e dezinfektimit dhe riciklimit të mbetjeve të rrezikshme “Euroteam”.
Burimi: foldrejt.info
