Tre punonjës policie janë pezulluar nga detyra në lidhje me dhunën ndaj 3-vjeçares në kopshtin Stinët në Tiranë.
Pezullimi i zv/shefi të komisariatit nr.1, Rustem Dervishi, dhe dy nënkomisarëve Ylli Çako (me detyrë shef i Seksionit për Hetimin e Krimeve, në Komisariatin e Policisë Nr.1) dhe Ergys Brahimaj (me detyrë specialist në Seksionin për Hetimin e Krimeve, në Komisariatin e Policisë Nr.1) është bërë për shkak se nuk kanë këqyrur pamjet filmike të kamerave pas dhunës.
Policia gjithashtu bën me dije se ka nisur procedimi në gjendje të lirë, pas konsultimit me prokurorin, për shtetasen Majlinda Demiha, me detyrë kujdestare në këtë kopsht, si e dyshuar për kryerjen e veprës penale “Keqtrajtimi i të miturve”.
