Dhjetori do të jetë përfundimisht muaji i Bleona Qeretit.
Këngëtarja u ka premtuar fansave se do të publikojë çdo ditë foto të saj ndër vite dhe kjo do të vazhdojë deri më 1 janar 2018.
“Dhjetori është muaji që do të publikoj fotografitë e mia ndër vite, 3 foto për çdo look, çdo ditë deri në 1 Janar 2018. Ju lutem të gjithë ‘moralistave’ fallco të kursejnë komentet e ‘çështjes së nderit’ dhe të kuptojnë një herë e mirë, që këto janë foto artistike ndër vite dhe në momentin që janë bërë kanë qenë minimum 10 veta në set,” – shkruan ajo.
Bleona njihet si një ndër femrat më të guximshme në ekran, që nuk heziton të tregojë të vërtetën dhe të jetë e drejtpërdrejtë në çdo moment. Para pak javësh, këngëtarja që po zhvillon karrierën e saj në ShBA u komentua pasi doli në rrugët e Los Anxhelosit vetëm me të brendshme pasi po realizonte një set fotografik.
