Chrissy Teigen dhe John Lergend humbën fëmijën e tyre të tretë që prisnin të vinte në jetë së shpejti. Modelja e njohur pësoi hemorragji gjatë lindjes dhe për këtë arsye ajo nuk mundi të linte djalin, të cilin kishin vendosur ta quanin Jack. Asokohë ishte vetë Chrissy që e dha lajmin e hidhur, duke publikuar disa foto të trishta me të voglin në krahë.
Dhimbja që kaluan ishte e thellë, mirëpo duke i dhënë forcë njëri-tjetrit, ata morën një mësim të mirë për jetën pavarësisht se do ta ndjejnë gjithmonë mungesën e bebushit që nuk patën kurrë.
Për herë të parë në një intervistë, Chrissy dhe John folën për këtë ngjarje të hidhur që ndikoi kaq shumë në jetët e tyre.
Ata treguan për “Good Morning America” sesi i dhanë forcë njëri-tjetrit për ta përballuar këtë.
“Nuk ma marrte mendja që do ta përjetonim këtë lloj dhimbjeje dhe të flisnim për të, por e bëmë dhe kjo nënkupton shumë për shumë njerëz. Ishte eksperiencë e fuqishme që më bëri të mësoj shumë gjëra të reja. Jam thjesht krenar që bashkëshortja ime pati kurajon e mjaftueshme për ta bërë. Thjesht di që e dua atë më shumë se çdo herë tjetër. Kemi kaluar shumë sfida bashkë dhe thjesht ajo është bërë më e fortë dhe e di mirë që kjo nuk ndodh kur gjithmonë kur njërëzit kalojnë një tragjedi.”- tregoi John.
Gjithashtu Chrissy shtoi:
“Kam me mijëra letra që më janë shkruar. Sigurisht që kjo që kalova unë është shumë e dhimbshme për një grua, por sigurisht kur është një baba i përfshirë dhe gjithë mbështetja që kemi marrë, gjërat bëhen edhe më të lehta. Eshtë e pabesueshme.”
Dyshja tregoi se familja ishte gjëja më e rëndësishme në jetë për ta, ndaj pas kësaj ngjarjeje të vështirë që kaluan, kishin vendosur të ndihmonin familjet me fëmijë të sëmurë, duke i paguar atyre shpenzimet gjatë kurimit.
“Çdokush që na njeh ne, e di që gjëja më e rëndësishme për ne është familja. Kur ke mundësinë të mbështetesh te njerëzit e dashur, kohët e vështira kalojnë më lehtë. Ne e kuptojmë dhimbjen e atyre që kanë fëmijë të sëmurë dhe nuk kanë mundësi për kurimin e tyre”.- tregoi çifti.
View this post on Instagram
