Burime ekskluzive kanë bërë me dije për “iconstyle.al” se prej kohësh ata po jetojnë një romancë të bukur.
Ata gjithashtu kanë dhënë indicie për fansat duke publikuar foto bashkë, si edhe pjesmarrja e Adrolës në klipin e Capital T dhe kimia e dukshme mes tyre i shtoi zërat.
Ditët e fundit Capital T është duke zhvilluar një tour në SHBA duke performuar për të gjithë shqiptarët atje.
Në një nga koncertet e tij të fundit ka qenë pranë tij dhe Adrola Dushi. Qarkullon një video e saj në rrjetet sociale duke kënduar një nga këngët e Capital T në koncert.
Kujtojmë se Capital T ka ardhur së fundmi në bashkëpunim me Elvana Gjatën.
Capital T e kishte lajmëruar më herë fansat për publikimin e projektit,teksa në një postim në Instagram shkruante: “Zemër a je gati?”, me një video që paraqiste sekuenca nga klipi.
Ky është bashkëpunimi i tretë i dyshes dhe nisur nga dy të parët, edhe këtë herë suksesi është i garantuar. Ata kanë punuar bashkë edhe për superhitin “Lejla” dhe për këngën tjetër “Fustani”. Kjo e fundit ishte një nga këngët më të dashura të verës që lamë pas, ndërsa këngëtarja tërhoqi vëmendjen me paraqitjen e saj dhe fustanet ekstravagante që kishte veshur në videoklip. Suksesi i tyre nuk ka munguar as në aspektin individual, pasi albumi i Capital T “Skulpturë” u pëlqye shumë nga publiku, ndërsa këngët e mini-albumit të Elvanës u shndërruan në hite brenda një kohe të shkurtër.
