Duke qenë të famshme, yjet e modës dhe filmit dhurojnë gjithmonë shfaqje mahnitëse. Kështu ndodhi në eventin e Dior, në “Javën e Modës” në Paris të hënën, ku u mblodhën disa nga femrat më të njohura të televizionit.
Bella Hadid, Natalie Portman dhe Cara Delevingne u dalluan mes grumbullit të madh të njerëzve që i janë besnikë markës së njohur Dior. Bella, 20 vjeç, kishte zgjedhur një fustan të guximshëm të zi nga shtëpia e modës, me një material tyli të hollë, që nxirrte në pah të brendshmet “Dior”.
Natalie, 36 vjeç dhe Cara, 24 vjeç, kishin zgjedhur ngjyrën e bardhë që u shkonte shumë me sfondin jeshil të përvjetorit të 70-të të “Dior” në “Javën e Modës” në Paris.
Megjithatë Bella ishte fokusi më i madh i kamerave. Ajo mbërriti në event me një pale syze me xham të zi të errët dhe flokët e kapura. Ajo kishte bërë një makijazh të thjeshtë natyral, ndërsa e gjithë vëmendja fokusohej te veshja që Bella e tregonte me krenari.
Modelja është ambasadore e shtëpisë së “Dior Makeup”, e përshkruar nga vetë marka si ‘ikona e re e gjenerimit që ndan momentet e bukurisë dhe këshillat për buzët, fytyrën dhe syrin’. Të pranishme ishin edhe emra të tjerë të njohur si: Winnie Harlow, Brigitte Macron, Jennifer Lawrence, Karlie Kloss etj.
Burimi: Daily Mail
