Me rikthimin e Sindit në emisionin “Për’puthen”, mbrëmë u diskutuan termat e shumëpërdorur “seksizëm” dhe “pervers” që kanë shqetësuar konkurrentët dhe publikun.
Sindi i kërkoi llogari Julianit për termin “perverse” të përdorur ndaj saj, ndërsa opinionisti Arjan Konomi ndërhyri duke treguar se ishte ai që e kishte thënë i pari këtë term në emision, ndaj detyrohej një shpjegim.
Arjani e kishte quajtur Sindin ‘perverse’, pasi i dukej se ajo bënte zgjedhje perverse me djemtë e emisionit, ndaj s’iu duk e drejtë t’i kërkojë llogari Julit.
Arjani u shpreh se termi “pervers” do të thotë zgjedhje jo e zakonshme, ndërsa për këto komente të tijat ka reaguar edhe ish-konkurrentja e “Për’puthen 1”, Ina Kollçaku. (Lexo këtu)
Në InstaStory, ajo shkruan:
“Sapo kuptova që fjala perverse qenka krijuar nga Arjan Konomi dhe ka kuptim një zgjedhje jo e zakonshme. O Zot!
Seksizmi është term i lidhur vetëm me paragjykimet me bazë gjinore. Psh: Vajzat/gratë veshin rozë. Pse ke veshur bluzë rozë si vajzë?
Djemtë/ Burrat punojnë në ndërtim. Pse burrë je ti të punosh në ndërtim?
Fjala femër madje është traumatike për një feministe, nëse nuk po përdoret vetëm për seksin, psh në pasaportë. Vajzë dhe grua është i vetmi term i saktë. Unë kur dëgjoj “jemi femra” më vjen të vdes.
Ngacmimi seksual nuk është seksizëm. Ngacmimi seksual është ngacmim seksual! Seksualisht ngacmohen vajzat, djemtë, homoseksualët, biseksualët, transseksualët dhe unësi sapioseksuale sa herë dikush thotë diçka idjote!
Ju përshëndes tani! Zoti mbroftë adoleshentët që kanë këto shembuj! Uroj të harrojnë me moshë ça kanë dëgjuar sot! Ju lutem, blini një libër!”
Fjalëve të saj s’ka vonuar shumë t’i përgjigjet opinionisti, i cili është mjaftuar vetëm me një postim në InstaStory.
Ai ka publikuar foton e tij nga emisioni “Për’puthen”, teksa krahas saj shkruan:
“Ajo çfarë më lumturon më shumë në efektin e fjalës sime është fakti se detyroj mediokrit të hapin fjalorët.”- ka shkruar ai.
