Ai u shfaq në “BRIT Awards” me partneren Cheryl, duke hedhur poshtë thashethemet për ndarjen, të gjithë sytë ishin kur Liam Payne dhe Rita Ora u ngjitën në skenë, për të performuar kolonën zanore të filmit “Fifty Shades Freed”, “For You”.
Performanca e tyre ndezi sallën e “O2 Arena”, në Londër, ditën e mërkurë.
Pasi dueti i tyre përfundoi dhe Liam iu përgjigj dorës së Rita Orës me një përqafim, moderatori Jack Whitehall tha me shaka:
“Nuk kam parë kaq shumë kimi seksuale, që nga intervista Trump-Morgan”.
Këngëtarja me origjinë shqiptare kishte zgjedhur një trupore të bardhë, të cilën e mbante veshur poshtë kostumit sportiv, me të cilin nisi performancën e këngëve “Your Song” dhe “Anywhere”.
