Veç fustani të bardhë, aksesorëve dhe këpucëve ka një tjetër detaj, që është kaq i rëndësishëm për nuset, por nuk u dhamë rëndësinë e duhur. Gjatë intervistës së fundit ishte Orinda Huta, e cila vuri theksin te buqeta e luleve, e cila është si “qershia mbi tortë” për paraqitjen e saj.
“Një nga gjërat që më kanë mbetur peng është, se duke qenë se fustani kishte një linjë të thjeshtë, do të doja që edhe lulet të ishin në linjën e fustanit. Unë doja një gjë shumë të thjeshtë edhe për buqetën dhe kisha menduar më parë që doja zambakë. Por kur shkova tek ai që bënte buqetën më tha: Do dalësh nuse me lule zambaku? Duket që zambakun e blen kushdo. Po mua ato më pëlqejnë i thashë.. Edhe ngaqë ua kisha lënë shumë gjëra në dorë njerëzve i thashë, ok bëjë si të duash. Por ditën e fundit kur e pashë buqetën thashë pse nuk mora mendjen time”, u shpreh së fundmi Orinda.
Në këtë mënyrë ajo hyri si padashur në listën e të famshmeve shqiptare që mbanin buqetë me trëndafila në duar.
Qëndresa Bajrami
Martesa e fundit mes personazheve të njohur shqiptar ishte ajo moderatorit shqiptar, Labinot Gashi me Qëndresa Bajramin në Prishtinë. Ajo mbante në duar një buqetë me trëndafila të bardhë, ndërsa si detaj në vend të vellos kishte zgjedhur kapelën stil mbretëror me rrjetë.
Buqeta me trëndafilat është e njohur si lulja e nuses, tradicionale e martesës. Në këtë kuptim, e bardha përfaqëson unitet, virtyt dhe dëlirësinë e një dashurie të re.
Lolita Begolli
Bashkëshortja e këngëtarit Besnik Qaka kishte zgjedhur për buqetën trëndafila të bardhë me nuancë rozë.
Edita Ramadani
Nusja e stilistit Valdrin Sahiti në ceremoninë e tyre të dasmës në Las Vegas, mbajti në duar një buqetë tipike amerikane: trëndafila të bardhë.
Modelja Vivian Canaj
Modelja që i dha fund beqarisë javën e kaluar nuk zgjodhi buqetën kaliske të trëndafilave, por një kompozim ku mes të tjerash ishin përfshirë edhe trëndafilat lejla pastel. Ngjyra vjollcë ka një asociacion tradicional me mbretëroren. Në këtë drejtim, nuancat e luleve me ngjyrë të purpurt sugjerojnë një frymë të madhështisë dhe shkëlqimit mbretëror.
Marina Vjollca
Moderatorja kishte zgjedhur për të bërë buqetën e saj trëndafilat ngjyrë rozë në dasmën me reperin Getoar Selimi.
Ngjyra rozë mbart më vete konotacionin e hijeshisë dhe të elegancës, si dhe ëmbëlsinë dhe romancën poetike.Trëndafilat ngjyrë rozë të çelët janë të lidhur me butësinë dhe admirimin.
Xhensila Myrtezaj
Këngëtarja shqiptare zgjodhi gjithashtu një kompozim me trëndafilat rozë.
Orinda Huta
Pavarësisht se nuk e pëlqeu buqetën ka disa foto me to. Në to dallojmë trëndafila me ngjyrë portokalli pastel të kombinuara me lulet lejla. Trëndafilat e portokalltë janë parë si urë në mes miqësisë së simbolizuar nga trëndafilat e verdhë dhe dashurisë të përfaqësuar nga trëndafilat e kuq.
Por vitet kanë dëshmuar se buqetat me trëndafila kanë qenë ndër më të preferuarat për nuset e njohura të ekranit shqiptar.
Ajola Xoxa
Kujtojmë buqetën me trëndafila rozë pastel të Ajola Xoxës, e cila ishte aksesori që zëvendësoi mungesën e vellos.
Andrra Destani dhe Vesa Luma
Ishte dy nuset e vetme që guxuan me ngjyrën e kuqe të trëndafilave. Një nga simbolet më universale, trëndafili i kuq përfaqëson dashurinë e vërtetë.
Po ashtu është shfaqur përgjatë historisë dhe nëpër kultura si simbol politik dhe religjioz.
Klaudia Pepa
Balerina, e cila tashmë është divorcuar nga koreografi Albi Nako, zgjodhi ditën e dasmës një buqetë me trëndafila të verdhë dhe të bardhë. Trëndafilat e verdhë përfaqësojnë ndjenjat e gëzimit dhe të kënaqësisë.
Aurela Basha dhe Nora Klosi
Gratë e politikanëve gjithashtu zgjodhën gjithashtu buqetën me trëndafila për ditën e dasmës. Bashkëshortja e Lulzim Bashës, Aurela zgjodhi një tufë të vogël një ngjyrë rozë dhe të bardhë.
Ndërsa bashkëshortja e Blendi Klosit, Nora mbante në duar një buqetë me trëndafila të bardhë.
Rudina Xhunga
Të njëjtën ngjyrë zgjodhi edhe gazetarja Rudina Xhunga në ceremoninë e saj të martesës me Dritan Hilën.
Tuna
Këngëtarja në dasmën e saj të 2010-s, martesë e cila zgjati shumë pak, zgjodhi një buqetë me lule rozë.
Burimi: Iconstyle.al
