Ndoshta nuk do të donit ta lexonit këtë, por llastiku i flokëve në kyçin tuaj po ju “shëmton” paraqitjen.
Në fakt nuk e themi vetëm ne këtë, por të gjithë stilistët profesionistë: Nëse një lidhëse flokësh nuk është një byzylyk, atëherë pse është në kyçin tuaj? Thjesht vendoseni atë në xhepin e xhinseve, të xhaketës, në çantë apo lëreni mbi tavolinë. Vetëm hiqeni nga kyçi!
Po, janë shumë të dukshme dhe për të mos përmendur më pas atë shenjën e kuqe që lënë në kyçin tuaj!
Gjithsesi nuk jeni të vetmet në këtë “mëkat”!
Nëse ju kishte shpëtuar (edhe ne), Lori Hoxha e vuri në dukje përmes një postimi në “Instagram” ku shkruante: “E urrej këtë lidhëse flokësh që është në të gjitha fotot e mia”.
Dhe kishte të drejtë, “Iconstyle.al” bëri një kontroll të profilit të saj dhe dolëm në përfundimin që kjo lidhëse flokësh e ka shoqëruar kudo, deri te pushimet.
Pavarëissht se është e veshur “casual” apo më “class” detaji i llastikut të flokëve dallon në veshjet e Lorit.
Por në fakt nuk është vetëm fakti që shëmton paraqitjen arsyeja pse duhet ta hiqni nga kyçi. Është dhe një arsye që lidhet me mjekësinë!
Audree Kopp ishte një paciente që vuajti një infeksion të rëndë, pikërisht nga ky aksesor që e mbante në kyç, pasi iu formua një gungë me qelb poshtë lëkurës, pikërisht nga bakteret e llastikut të flokëve.
Ndaj gjejini një vend më të përshtatshëm atij llastiku “të mallkuar” para se të vuani një nga këto pasoja!
Burimi: Iconstyle.al
