Një foto pikëlluese nga sulmi me kamion të enjten në Nisë, Francë, tregon një trup të pajetë të mbuluar në tokë krah një kukulle fëmije.
Imazhi i realizuar nga Reuters u realizua fill pas sulmit, nga ku mbetën të vrarë 84 persona dhe u plagosën dhjetëra të tjerë, pasi sulmuesi përdori një kamion 25-tonësh për të shtypur njerëzit që ishin mbledhur për të festuar Ditën kombëtare Bastille, mbrëmjen e kaluar, në bulevardin buzë detit “Promenade des Anglais”.
Pamjet tronditëse tregojnë mjetin duke ecur me shpejtësi në rrugët e mbushura. Atentatori francez-tunizian 31 vjeç, i cili ishte i njohur për policinë, më pas doli jashtë duke qëlluar mbi turmën, duke lënë të paktën 10 fëmijë të vdekur.
“Bashkëshorti im mori fëmijët dhe nisi të vraponte. Unë ktheva kokën dhe pashë kaq shumë njerëz të vdekur. Pashë edhe një fëmijë me kokën komplet të shtypur”, tha një dëshmitare, Linda për mediat vendase.
Momentin e sulmit dëshmitarët e përshkruan si një moment paniku. “‘Vraponi, vraponi është një sulm’, kjo ishte e vetmja fjalë që dëgjohej”, tha një grua nga vendngjarja për televizionin francez. “Ka shumë gjak nëpër rrugë -tha një tjetër dëshmitare- e vetmja gjë që shohim janë njerëz të dëmtuar rëndë e të shtrirë për tokë”. Oficerët e policië qëlluan për vdekje më pas atentatorin.
Për ngjarjen e rëndë reaguan celebrities nga fusha e modës, të filmit, këngëtarë dhe mediat. (Shfleto galerinë)
Rihanna ishte dje në Nisë të Francës. Një përfaqësues i këngëtares konfirmoi se 28-vjeçarja ishte në qytet të enjten, gjatë sulmit në Ditën e Bastille. “Ajo është e sigurt, është mirë”, u shpreh përfaqësuesi i Rihanna-s.
Rihanna mbërriti në qytetin jugor të Francës si pjesë e atij që cilësohet si “Anti World Tour”, ndërsa parashikohej që ajo të jepte koncertin e saj mbrëmjen e së premtes.
Kryebashkiaku i Nisës ka njoftuar se koncerti i Rihanna-s, së bashkë me një festival xhazi në qytet, janë anuluar.
Burimi: Daily Mail/ Huffington Post
