Një ditë pas lajmit të trishtë për vdekjen e një 10-vjeçari në pikën kufitare të Kakavijës, janë zbardhur detaje të reja në lidhje me aksidentin.
Harta Dixhitale e Aksidenteve Rugore në Facebook, shkruan se ambulanca që ka përplasur fëmijën ishte duke bërë një rrugë ilegale, dhe duke transmetuar njerëz jashtë radhe kundrejt pagesës për në pikën kufitare.
Kjo akuzë vjen nga dëshmitë e personave që ishin të pranishëm dhe panë momentin e tmerrshëm të aksidentit.
Ngjarja ndodhi rreth orës 10:30, në aksin nacional Kakavije – Gjirokastër, në afërsi të kthesës së Bularatit, ku një autoambulancë me drejtues shtetasin A. G, thuhej se po transportonte një shtetase të sëmurë për në spitalin rajonal Gjirokastër.
Por dëshmitarë thonë se ambulanca ishte bosh dhe me mbi 100 km në orë në një zonë ku ishte e mbipopulluar nga njerëz që prisnin të kalonin doganën.
Vogëlushi Samuel Ndoj 10 vjeç, banues në Lezhë, humbi jetën menjëherë pas përplasjes.
Njoftimi në Facebook!
Ambulanca që përplasi për vdekje 10-vjeçarin në Kakavijë dyshohet se ka qenë duke bërë rrugë ilegale, duke transportuar njerëz jashtë rradhe kundrejt pagesës për në pikën kufitare…!
Këtë gjë e kanë pohuar disa dëshmitarë okularë në Kakavijë të cilët forcojnë dyshimet se përse i duhej të ecte ambulanca bosh me mbi 100 km/h në një zonë me mijëra njerëz nëpër rrugë dhe aq më tepër me fenelina të ndezura por pa sinjalin akustik për të mos ngjallur dyshime sepse e bënte shpeshherë në ditë atë rrugë.
Autoritet kanë filluar menjëherë hetimet për zbardhjen e këtyre ngjarjeve dhe nëse këto do të vërtetohen, atëherë kjo do të ishte një tragjedi e përmasave përtej njerëzores….!
