Mesditën e sotme është shënuar viktima e parë nga Koronavirusi në Shqipëri.
Bëhet fjalë për një 73-vjeçare, e cila qëndronte e shtruar në spitalin e Durrësit.
Përveç Koronavirusit, ajo vuante edhe nga disa sëmundje të tjera që e përkeqësuan situatën.
Lidhur me ngjarjen janë zbuluar detaje të reja dhe për “News 24” gazetarja Klodjana Haxhiaj tha se pacientja ka qëndruar për disa ditë e paizoluar në spital, duke pasur kontakte direkte me personelin mjekësor, por edhe me pacientë të tjerë, të shtruar në dhomën e saj.
Deri më tani, janë marrë mostrat e 30 mjekëve dhe infermierëve të Spitalit të Durrësit, ku po iu kryhet analiza për Koronavirusin.
