Te tjera fakte shokuese kanë dalë nga krimi i tmerrshëm që ndodhi ditën e djeshme në Gjilan.
Mediat kosovare shkruajnë se Valdete Bllaca pasi vrau katër anëtarët e familjes së saj ka qëndruar rreth 3-4 orë në banesë me ta dhe pastaj ka vendosur të vrasë edhe veten.
Në kohën kur ka ndodhur krimi, tezja dhe bashkëshorti i saj shkuan në shtëpinë e familjes Bllaca, dhe në derë iu shfaq Valdetja.
Kjo e fundit i kishte thënë tezes se familjarët nuk ndodheshin në banesë, ndërsa ajo ishte pak e zënë me disa punë.
Pas këtyre fjalëve tezja dhe bashkëshorti janë larguar dhe sapo kanë ecur pak kanë dëgjuar krismat e dy plumbave dhe Valdetja kishte vrarë veten.
Dyshohet se krimin e 5-fishtë ajo e kishte menduar më herët, pasi një ditë më parë kishte pyetur tezen e saj se sa para duhen për një ceremoni mortore dhe më pas i kishte dhënë asaj 12 mijë euro.
Mediat kosovare shtojnë se policja i vrau familjarët e saj me nga dy plumba në kokë.
