Është zbardhur vendimi i Gjykatës Penale të Tiranës për vrasjen e Eglantina Bucit, ngjarje e ndodhur në vitin 2012.
Në dosje jepet informacion edhe për ekspertizën mjekoligjore për eshtrat e gjetura në Malin me Gropa, sipas të cilës, në trupin e vajzës janë konstatuar thyerje dhe djegie.
“Në eshtrat e skeletit u konstatuan kryesisht thyerje dhe ngrënie të shkaktuara nga veprimi kryesisht pas vdekjes, i faktorëve të ndryshëm, pa u përjashtuar shkaktimi i tyre eventualisht me mjete, po kështu u vënë re disa shenja djegie, që mund të jenë shkaktuar para ose pas vdekjes”, citohet në dosje.
Në vendimin e siguruar nga abcnews.al se thuhet edhe se si lindi konflikti mes Eglantina Bucit dhe familjarëve të saj. Në dosje citohet ndër të tjera: “Eglantina nuk ka pranuar të fejohet me personin e zgjedhur nga ai për fejesë. Ky fakt ka çuar në largimin nga shtëpia të shtetases Eglantina Buci me personin që ajo ka dashur dhe kur është larguar ka marrë një sasi parash”.
Konfliktet mes Faik Bucit dhe vajzës së tij kanë vazhduar dhe pasi kjo e fundit ka shkuar të jetojë tek xhaxhai i saj Bashkim Buci, duke mos mbajtur asnjë kontakt me familjen e saj, si dhe duke ju ruajtur atyre pasi kishte frikë për jetën e saj.
Më pas vëllai ka qenë ai i cili i ka kërkuar shokut të tij M.T., që të kërkonte lidhje intime me Eglantinën me qëllim që ajo të afrohej me familjen e saj. Babai i së ndjerës i ka dhënë dhe një unaze për t’ia dhënë asaj, dhe Shkëlzeni e ka marrë në kafe të motrën me të mira, duke i fshehur qëllimin për ta vrarë.
Çfarë thotë dosja:
Gjatë gjithë kësaj kohe shtetasi Faik Buci është mbështetur nga djali i tij i madh Shkëlzen Buci ku kanë kërcënuar dhe bërë presion Eglantina Bucit. Në këto kushte Shkëlzen Buci i ka kërkuar shokut të tij M.T. (dëshmitari i mbrojtur), që të krijojë lidhje intime me Eglantinën me qëllim që ajo të afrohej përsëri me familjen e saj.
Faik Buci i ka dhënë M.T., një unazë për t’ia dhënë Eglantinës që ti premtonte fejesë asaj. Nga rrethanat e zhvillimit të dinamikës ditën e ngjarjes shpjeguar nga M.T., rezulton se Shkëlzen Buci, ka marrë për të pirë kafe Eglantinën duke e marrë me të mira dhe duke mos i dhënë e asnjë shenjë për qëllimin e tij për ta vrarë. Pas ndodhjes së ngjarjes sipas shpjegimeve të M.,T., rezulton se autori i dyshuar Shkëlzen Buci, ka takuar babain e tij Faik Buci ku kanë biseduar veçmas tij (M.T.) dhe të dy bashke e kanë kërcënuar më pas me jetën e tij dhe të familjes së tij, për të mos kallëzuar këtë vrasje në polici. Nga analiza e veprimeve hetimore të kryera dhe nga dyshime të arsyeshme, rezulton se shtetasi Shkëlzen Buci ka kryer vrasjen e motrës së tij Eglantina Buci, në dijeni dhe me porosi të babait Faik Buci, i cili gjithashtu ka kërcënuar për të mos kallëzuar. Gjithashtu ka dyshime të arsyeshme se shtetasi Faik Buci ka tentuar në një rast të vrasë dëshmitarin e mbrojtur M.T., vajzën e tij Eglantina Buci, por për shkak të shmangies së Eglantinës, nuk ka arritur të realizojë qëllimin e tij.
Faik Buci duke patur në trungun e tij familjar vajzën e tij Eglantina Buci, nuk ka kryer asnjë njoftim apo kallëzim mbi zhdukjen e Eglantinës. Rezulton se i dyshuari Shkëlzen Buci ka paramenduar të gjitha veprimet, që nga krijimi i marrëdhënieve afruese dhe besuese me motrën e tij Eglantina Buci, takimet dhe orientimet e shokut të tij M.T. për këtë qëllim, sigurimi i armës së krimit, automjetin dhe itinerarin e ndjekur, si dhe vendin e zgjedhur për kryerjen e vrasjes”.
