Drejtoria e Përgjithshme Detare njofton se nga data 20 deri në datën 23 dhjetor bregdeti ynë do të përfshihet nga stuhi dhe reshje të fuqishme, si pasojë e përkeqësimit të motit.
Njoftim për përkeqësim të motit:
Në daten 20-23 dhjetor 2019 moti do të përkeqësohet. Bregdeti ynë do të përfshihet nga era me drejtim jug me shpejtësi deri në 38 nyje dhe forca e detit do të jetë 7 shkalla bufort. Moti i përkeqësuar do të shtrihet në gjithë bregdetin tonë. Pritet që deri në mesnatën e ditës së dielë era dhe deti të kenë të njëjtin intesitet duke përfshirë gjithë bregdetin shqiptar.
Me qëllim parandalimin e çdo situate të papritur për shkak të kushteve atmosferike kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritjen e gadishmerisë së ekuipazhit në mjetet lundruese.
