Emisioni “Soirie”nisi transmetimin e puntatës së dytë të emisionit mbrëmjen e sotme, ku personazhe të famshëm të botës së politikës apo showbiz-it u ulën së bashku dhe diskutuan mbi teknologjinë me një gotë vere në dorë.
Olti Curri tregoi se një ndër personazhet më të pëlqyer në internet është pikërisht deputeti Dashamir Shehi, për të cilin të rinjtë kanë një vlerësim shumë pozitiv për shkak të figurës së tij toleruese dhe babaxhane. Dhe nga studio e emisionit “Soirie”, kreu i LZHK-së Dashamir Shehi pranoi se në fakt, këto “meme” në internet janë kthyer shumë shqetësuese për të .
“Më shqetësojnë të them të drejtën. Dreqi ta hajë, isha me gruan dhe vajzën me pushime në plazh dhe bënin foto. Apo kur hy në një kafe, bëjnë foto dhe e nisin, e kuptoj që është me dashamirësinë më të madhe, por është shqetësuese.” – tha Dashamir Shehi.
Madje, deputeti opozitar kishte tentuar të kontaktojë përmes telefonit me personat që administronin njërën nga faqet dhe i ishte përgjigjur se ndodhej jashtë vendit.
Nëse nuk e dini përse bëhet fjalë:
