Deputeti dhe nën kryetari i parlamentit Myslim Murrizi, ka bërë një koment mjaft fyes ndaj personave me sindromen Down.
Ka qenë themeluesja e Fondacionit të Sindromës Down në Shqipëri, Emanuela Zaimi, që ka vënë në dukje komentin e tij të papërshtatshëm ndërsa kërkon të dënohet për të.
Murrizi ironizonte lajmet për faturat e shtrenjta që ministrja e Drejtësisë, Etilda Gjonaj, ka shpenzuar në udhëtimet e saj jashtë shtetit, për takimet zyrtare, ku një natë në hotele luksoze ka kushtuar mbi 700 euro.
Këtij shkrimi i është përgjigjur një komentues, duke i thënë deputetit se po i vjen në mbrojtje ministres, por ai ia ka kthyer ashpër duke i kërkuar të largohet nga profili i tij pasi e quajti “Down”.
Kjo nuk është anashkaluar nga fondacioni i Sindromës Down në Shqipëri, i cili përmes një deklarate të Zaimit të publikuar në Facebook, dënon gjuhen fyese të deputetit.
“Z. Myslim Murrizi, po ju ç’përbërje gjenetike keni, që ju duket vetja me i mire e me i zoti se dikush me sindromen Down? Ose me bindni pse nuk jeni ju ai qe bëni dike për te vjelle por sipas jush nje me SD apo qe juve ju duket se i ngjan? T’ju pyes.. juve ju ka edukuar kështu nëna juaj apo “nëna” parti? Nëse është e para po jua mëshiroj e po e fal nënën tuaj, se ndonjëherë nënat sado të mundohen të rrisin BURRA, ndodh t’ju shkojë qumështi e mundi dëm. Nëse është “nena” parti, atëherë mendoj qe juve “nena” parti apo “njerka” kuvend duhet t’ju riedukoje nja një vit (me e pakta) me pune ne komunitet, pastaj një komision i posaçëm te rivlerësoje nëse “keni zënë mend” për te marre serish detyrën ne shërbim te qytetarit”, thuhet mes të tjerash në deklaratë.
