Deputeti grek Ilias Kasidias ka tronditur mbarë opinion me deklaratat e tij anti-shqiptare. Gjatë fjalës së tij në parlament, ai tha se shqiptarët që jetojnë në Greqi nuk meritojnë asgjë dhe duhet kthyer andej nga erdhën.
Por specifikisht, deputeti kapet me këngëtaren me origjinë shqiptare Eleni Fourera, pas fotos ku ajo dhe Eugent Bushpesha shfaqen tek formojnë me duar simbolin e shqiponjës, shkruan revista “Who”.
“E shikoni kush janë shqiptarët? Merrni rastin e ‘Eurovisionit’, reklamojmë një këngëtare që nuk thoshte se ishte shqiptare! E sapo I bëjmë të famshëm këta futbollistë e këngëtarë, fillojnë të veshin bluzat e UCK, e të bëjnë simbolet e Shqipërisë së Madhe. Le të shkojnë aty ku ishin se nuk kishin këpucë në këmbë kur erdhën. Asnjë bisedë për shqiptarët, asnjë negociatë, derisa të ndalojë politika antigreke e qeverisë shqiptare. Veto greke kërkon Agimi i Artë për të mos vijuar asnjë diskutim me sistemin Rama per integrim në BE”, është shprehur Kasidiaris.
