Rita Ora e ka ndjekur me vëmendje situatën shqetësuese në Shqipëri sa u përket tërmeteve të njëpasnjëshme që kanë prekur vendin.
Duke parë situatën e vështirë me të cilën u përballën shumë fëmijë shqiptarë, këngëtarja nga Kosova u ka kërkuar miliona fansave ndihmë.
Përmes një postimi në Instagram, Rita ka bërë thirrje që përmes “UNICEF” të ndihmohet Shqipëria.
“Një termet me shkallë 5.6 magnitudë e ka goditur Shqipërinë më 21 shtator, afër Kosovës, ku unë kam lindur. Tërhiqe (linkun) për të ndihmuar @unicef, ji aty për fëmijët e prekur nga fatkeqësitë kurdo dhe kudo që janë”, ka shkruar Rita.
Tërmetet shkaktuan dëme të mëdha materiale dhe jo vetëm. Dhjetëra persona përfunduan në spitale me plagosje dhe në gjendje shoku.
