Në muajin janar një ngjarje e rëndë tronditi Kosovën. Biznesmeni Skënder Krasniqi vrau me një armë zjarri djalin e tij, Albert Krasniqin, i cili ishte një emër shumë i njohur për publikun. Ai kishte miqësi me shumë personazhe të famshëm nga bota e showbizit dhe dikur ishte anëtar i grupit të njohur “Babastars”.
Ditën e sotme, që ka kaluar gati 5 muaj nga ngjarja tragjike, Gjykata Themelore e Prishtinës ka marrë vendimin për babain e të ndjerit. Skënder Krasniqi është lënë në paraburgim për 1 muaj nga gjykata.
Gjyqtari i çështjes ka vlerësuar se masa e paraburgimit është masa e duhur për zhvillimin e ngjarjes dhe mos pengimin e çështjes. Sipas tij, ekzistojnë rreziku se Skënder Krasniqi mund të falsifikojë provat apo të ndikojë te dëshmitarët dhe do të pengohet rrjedha e procedurës penale.
“Gjyqtari i procedurës paraprake ka vlerësuar se masa e paraburgimit është masë adekuate për zhvillimin e papenguar në këtë çështje penale, pasi që ekzistojnë rrethanat që tregojnë rrezikun se po të gjendet i pandehuri S.K. mund ti asgjësojë, fsheh, ndryshoj apo falsifikoj provat e veprës penale duke ndikuar në dëshmitarët, të cilët janë familjarë të të pandehurit, po ashtu duke marrë parasysh mënyrën dhe rrethanat në të cilat dyshohet se është kryer vepra penale, tregon rrezik se nëse i pandehuri do të gjendet në liri ekziston rreziku se do të pengohet rrjedha e procedurës penale”, shkurhet ndër të tjera në njoftimin e Gjykatës Themelore të Prishtinës.
Deklaratat kontradiktore në lidhje me ngjarjen
Pasi ngjarja e rëndë u bë publike u tha se i ndjeri, Albert Krasniqi, kishte pasur para vrasjes një përplasje fizike me babain e tij, Skënder Krasniqin. Siç u bë e ditur paraprakisht nga mediat, vrasja ka ndodhur pasi biznesmeni është përplasur paraprakisht me të atin, i cili i kishte kërkuar që të dorëzohej në Polici pasi ai (Alberti) kishte ushtruar dhunë ndaj ish-gruas së tij. Policia e Kosovës ishte vënë në kërkim të Krasniqit për veprën penale dhunë fizike, që kishte ushtruar ndaj ish-bashkëshortes, ish-miss Kosovës, Besa Gashi, me të cilën ka dhe një vajzë.
Madje u tha se Skënder Krasniqi kishte marrë vetë policinë në celular pas aktit të rëndë duke u shprehur:
“Ejani, se e kam vrarë djalin”.
Mirëpo, më vonë avokati i Skënder Krasniqit dhe familjarë të tij dhanë deklarata kontradiktore, duke u shprehur se ngjarja kishte ndodhur aksidentalisht dhe jo me dashje.
“Së pari i falenderoj të gjithë ata që kanë qenë pjesëmarrës në varrim. Për fat të keq, në familjen tonë ndodhi një fatkeqësi që ndodh shumë shpesh nëpër shumë vende të botës, edhe në Kosovë. Rastësisht djali i vëllait e ka blerë një pistoletë, ia ka tregu babait të tij, plumbi ka qenë brenda dhe ai s s’e ka ditë vëllai tu këqyrë çfarë ka, ka kërsit plumbi…. Ai vëllai ka qenë faktikisht i paralizuar”,u shpreh xhaxhai i Albert Krasniqit, Ismet Krasniqi, në ditën e varrimit të ish-anëtarit të “Babastars”.
