Izraeli njoftoi se po tërhiqet nga festivali i këngës “Eurovision” pas 44 vitesh.
Një përfaqësues i vendit dha njoftimin tronditës “live”, para se të jepte pikët për këngët pjesëmarrëse, gjatë natës finale të shtunën në mbrëmje.
Ai tha se ky vendim u mor për shkak se Autoriteti i Transmetimit të Izraelit po mbyllet.
Eventi që u mbajt në Kiev, Ukrainë, bëri një lidhje të drejtpërdrejtë në Izrael për të zbuluar votimin e jurisë.
Para se të jepte rezultatin, prezantuesi izraelit i quajtur Arthur, tha: “Kjo është IBA, Kanali 1 në lidhje nga Jerusalemi. Për 44 vitet e fundit, Izraeli ka marrë pjesë në “Eurovision Song Contest”, duke fituar tre herë. Por sonte, është nata jonë e fundit, së shpejti IBA do të mbyllë transmetimet përgjithmonë, kështu që në emër të të gjithë ne këtu në IBA, më lejoni t’i them faleminderit Evropës për të gjitha momentet magjike dhe vitet e bukura. Dhe shpresojmë se do të takohemi përsëri në të ardhmen”.
Graham Norton, dha një koment të drejtpërdrejtë për BBC One: “Kjo është shumë e trishtueshme”.
Izraeli ka konkurruar rregullisht në festival që nga viti 1973. Kjo ishte e lejuar sepse IBA ishte një anëtar i organit drejtues të “Eurovision”-it.
Burimi: Mirror
