Gjatë qëndrimit të Elhaid Cufit në shtëpinë e “Big Brother Vip”, një vëmendje të madhe mori rrëfimi i tij ku tha se kishte tradhtuar njëherë.
“Po kam tradhëtuar një herë, të flasim sinqerisht. Faktikisht ishim në fund të lidhjes edhe jo se ishte konsumuar si lidhje po dëshironim t’i jepnim një drejtim pasi ishte duke u bërë toksike. Kishim 2 vite lidhje dhe erdhi një moment që nuk shihnim të ardhme bashkë. Shihja që nuk ishte në rregull as nga pala tjetër, kisha dyshimet e mia dhe po më vrisnin.”, rrëfeu Elhaidi në një bisedë me Monikën.
Kjo deklaratë e tij bëri mjaft bujë duke qenë se Elhaidi në shkrimet e tij shkruan për dashurinë e sinqertë, duke dënuar në një farë mënyre tradhtinë.
Së fundmi, ai ka qenë i ftuar në emisionin “Pardon My French” në “Top Albania Radio” ku ka zbuluar detaje të tjera në lidhje me këtë rrëfim të tij. Ai zbuloi se tradhtia erdhi pasi historia ishte në greminë.
“Zemra ime është shumë OK sepse unë e kam pranuar atë gjë dhe nuk jemi të shenjtë, gjithsecili ka gabimet e veta. Unë nuk kam qenë as i fejuar, as i martuar dhe ne nuk kishim plane për të krijuar familje bashkë. Nuk ishte një tradhti që lëndoi dikë. Ishim të dy në të njëjtën situatë dhe nuk mund të shkëputeshim. Ishte një histori në greminë, unë njoha dikë tjetër, ajo po njihte dikë tjetër”, u shpreh ai.
