Një episod i fundit i emisionit “Përputhen” ka ngjallur debate të forta dhe reagime të habitshme, pas një deklarate të bujshme nga një prej vajzave konkurrente, Mel.
Gjatë një takimi me djalin e përzgjedhur, Francin, Mel u shpreh hapur për stilin e saj të jetesës, duke thënë se për të qenë me të, një mashkull duhet të marrë parasysh faktin që ajo ka një buxhet mujor prej 20 mijë eurosh. Sipas saj, vetëm për makeup shpenzon rreth 400 euro në muaj.
Ndërsa Franci nuk u tregua i habitur nga kjo deklaratë, për opinionistin Arjon Muçaj, fjalët e Mel-it ishin krejtësisht të papranueshme. Ai reagoi me tone të ashpra, duke e cilësuar deklaratën si “shokuese dhe fyese”.
Muçaj nuk e fshehu irritimin dhe shtoi me ironi: “Po të ma thoshte mua që makeup-i i kushton 400 euro, do t’i thosha që nuk i ka bërë ndonjë punë të madhe.”
