Në deklaratën e parë që pasi u largua nga “Shtëpia e Bardhë”, Presidenti Barack Obama ofroi mbështetjen e tij të hënën për amerikanët e shumtë, që organizuan një protestë paqësore pro emigrantëve, duke iu referuar qytetarëve si “gardianë të demokracisë”.
Pavarësisht se nuk përmendi urdhrin e Presidentit Trump për ndalimin e përkohshëm të emigrantëve nga shtatë vende myslimane, deklarata thotë se Obama “nuk pajtohet aspak me nocionin e diskriminimit kundër individëve për shkak të besimit apo fesë së tyre”. Ai gjithashtu hedh poshtë pretendimet se kjo politikë ngjan me “vendimet e politikës së jashtme” të Obama-s, duke iu referuar politikës së tij të imigracionit në vitin 2011.
“Presidenti Obama është prekur për shkak të nivelit të angazhimit, që po ndodh në komunitetet në të gjithë vendin. Në fjalimin e tij të fundit si President, ai foli për rolin e rëndësishëm të qytetarëve dhe se si amerikanët kanë përgjegjësi që të jenë gardianët e demokracisë sonë, jo vetëm gjatë zgjedhjeve, por çdo ditë.
Qytetarët duke ushtruar të drejtën e tyre kushtetuese për t’u mbledhur, organizuar dhe që t’u dëgjohet zëri i tyre nga zyrtarët e tyre të zgjedhur, është pikërisht ajo që presim të shohim, kur vlerat amerikane janë në rrezik”, thuhet në deklaratën e Kevin Lewis, zëdhënësi i ish-presidentit, Barack Obama.
Frm Pres @BarackObama is heartened by the level of engagement taking place in communities around the country. pic.twitter.com/X5Fk3xRDEX
— Kevin Lewis (@KLewis44) January 30, 2017
Burimi: Esquire
