Carrie Fisher, e njohur për rolin e saj si Princeshë Leia në filmin “Star Wars”, ndërroi jetë mëngjesin e djeshëm në moshën 60-vjeçare, pas një ataku në zemër javën e kaluar.
Fansat edhe kolegët e saj të njohur nderuan aktoren e ndjerë në rrjetet sociale, pas lajmit se ndërroi jetë. Ndërsa shumë kujtuan performancën e Fisher në film, të tjerët nderuan edhe statusin e saj si heroina femër dhe avokate e shëndetit mendor.
Nëna e Fisher, Debbie Reynolds, bëri një postim në “Facebook” për të falënderuar urimet e miqve dhe fansave: “Faleminderit të gjithë që përqafuan dhuratat dhe talentet e vajzës sime të dashur dhe të mrekullueshme. Jam mirënjohëse për mendimet dhe lutet tuaja që po e udhëheqin në ndalesën e radhës”.
Harrison Ford, i cili luan rolin e Han Solo në filmin “Star Wars”, iu bashkua listës së celebrities përmes një mesazhi prekës. “Carrie ishte e veçantë në llojin e saj… brilante, origjinale. Argëtuese dhe emocionalisht e patrembur. Ajo e jetoi jetën e saj me guxim… Mendimet e mia janë me vajzën e saj Billie, nënën Debbie, vëllanë e saj Todd dhe miqtë e shumtë. Do të na mungojë të gjithëve”.
Burimi: Harper’s Bazaar
