Ditën e sotme, Dafina Zeqiri dogji rrjetin me këngën e saj të re të titulluar “A je pendu”, fiks një javë pas ndarjes nga Dj Geek.
Teksti i këngës flet për një dashuri të humbur dhe të gjithë mendojnë se kënga i dedikohet ish-partnerit, Dj Geek.
Vetë këngëtarja nuk ka bërë asnjë koment lidhur me këngën që jemi të bindur se do të kthehet në hitin e karantinës.
Mirëpo, jeni kuriozë të dini ç’mendon Dj Geek për projektin që të gjithë dyshojnë se i dedikohet atij?
Ai vetë ka ndarë këngën e ish-partneres në llogarinë e tij në Instagram, duke i ftuar të gjithë ta dëgjojnë.
Madje, ai shkruan se ata që e dëgjojnë, s’kanë për t’u penduar!
https://www.instagram.com/p/B_peDPhl_ZO/
Kështu, Dj Geek ka treguar se ende vazhdon ta mbështesë Dafinën në çdo projekt të sajin, ndërsa rikujtojmë se muzika ishte arsyeja e ndarjes së tyre.
Këngëtarja vendosi se puna dhe ekipi ishin më të rëndësishme sesa lidhja, ndaj dyshja vendosi t’i japë fund kaq herët.
“Ishte një lidhje e shkurtër e që përfundoi shpejt. Me sa duket nuk shkojnë bashkë edhe puna edhe lidhja romantike. Kështu që vendosa që puna dhe ekipi është më e rëndësishme se lidhja. Mendojmë të mbajmë ekipin sa më të shëndetshëm, sepse ne jemi si një familje. Kështu që u desh t’i jepja fund lidhjes për të shpëtuar lidhjen në ekip, që për ne është më e rëndësishme.”- u shpreh Dafina.
