Pas përfundimit të edicionit të fundit të Big Brother VIP Kosova, një debat ka shpërthyer mes Benita Zenës dhe Londrimit, lidhur me popullaritetin e këngës së saj “Bugatti”. Temë e diskutimit u bë performanca e Benitës gjatë finales së spektaklit, ku u përmend edhe ndikimi i Londrimit në famën e këngës.
Londrimi u shpreh: “Isha duke e shikuar Prime-in live dhe e dimë që ‘Bugatti’ e ka marrë famën prej meje. Benita Zena, ia nisi duke folur për Bugattin, u desh Olta pasi përfundoi performanca e Benitës ta cekë që realisht Londrimi ia ka sjellë, e ka marrë vrullin, kështu që Benita, aty më ke dëshpëruar pak.”
Nga ana tjetër, Benita reagoi duke theksuar se kënga kishte qenë viral edhe pa hyrë ajo në Big Brother. “Po normal, në momentin që kam hyrë në Big, ti ke filluar të ma bullizosh,” tha ajo. Londrimi mohoi këtë, duke shtuar: “Jo. Kam filluar të të ngacmoj, ti e ke marrë si bullizim, kur realisht e ke parë që Leonora ka thënë se ‘po dhezë’ kënga, është përmirësuar edhe raporti.”
Debati mes tyre ka tërhequr vëmendjen e publikut, duke rikthyer në diskutim historinë e këngës “Bugatti” dhe ndikimin që ajo pati gjatë kohës së reality show-t. Replikat e tyre po diskutohen gjerësisht në rrjetet sociale, teksa fansat analizojnë se kush ka kontribuar më shumë në famën e hitit.
