Ditën e sotme, në shtëpinë e “Big Brother VIP” kanë nisur diskutime dhe debate ku protagonistë kanë qenë dy banorët e rinj Arbër Sulstarova dhe Dritan Brama.
Ata janë përplasur disa herë gjatë javës për shkak të reagimit të Tanit ndaj mënyrës se si Arbri iu drejtua Xheisarës pas “afrimit” të saj.
Situatat kanë agravuar në kërcënime dhe ofendime nga ana e Tanit, të cilat Arbri i ka komentuar në “PRIME”.
“Për sa i përket pjesës së Xheisarës e kemi sqaruar besoj, më ka kërkuar falje. Të githë dimë të bëhemi vulgarë, dimë të kërcënojmë. Ai ka përdorur terrma shumë të rënda dhe Xheisarën e ka përdorur si justifikim. Më ka ofenduar profesionin dhe më ka kërcenuar duke më thënë “Ta tregoj jashtë”. Unë jam shumë i qetë dhe kam patur vetëkontroll.
Ndërkohë, Arbri ka shtuar gjithashtu se është ndjerë i zhgënjyer nga banorët e shtëpisë të cilët nuk kanë reaguar ndaj ofendimeve të Tanit.
“Nuk më ka pëlqyer që përvec Dagzit, Ilirit dhe Einxhel nuk ka reaguar njeri ndaj ofendimeve që më ka bërë, kërcënimeve dhe agresivitetit. Nuk duhet të përdoret kjo dhunë verbale. Kam ardhur të tregoj vlerat e mia këtu dhe çdo njeri duhet të ketë limitet e tij.”
Për këtë situatë, ka reaguar edhe moderatorja e emisionit Arbana Osmani, e cila e ka paralajmëruar Dritanin se “Big Brother” nuk është një format në të cilën duhet të përdorë ofendime dhe këcenime.
