“Gëzuar ditëlindjen David Beckham. Ti je gjithçka për ne. Të duam kaq shumë. Puthje”.
Me këtë urim të ngrohtë Victoria Beckham ka uruar bashkëshortin e saj David Beckham, i cili sot mbush 44 vjeç. Në foto duken duart e çiftit më të famshëm të Hollywood-it, unaza e kushtueshme e Victorias dhe tatuazhi i Beckham.
Jo vetëm kaq, por Viktoria na tregoi edhe surprizën që i ka përgatitur e gjithë familja. Shtëpia e tyre është mbushur plot e përplot me tullumbace dhe dhurata.
Super ylli i futbollit Beckham dhe ikona e modës Victoria janë një ndër çiftet më jetëgjatë të showbizit. Ata janë martuar në vitin 1999 dhe së bashku janë prindër të 4 fëmijëve: Brooklyn, Romeo, Cruz dhe Harper.
Më herët, në 18 prill ishte Victoria ajo që festoi ditëlindjen dhe si gjithmonë ishte nën shoqërinë e familjes, një shembull për t’u marrë apo jo?
