Pasioni i tij për artin e trupit ka kaluar në një rrugë të drejtë me pasionin e tij për lojën që e ndihmoi të kthehet në një ikonë e sportit.
Por teksa po i afrohet vitit të tij të pestë të daljes në pension nga futbolli, David Beckham ka treguar për fansat e tij historinë që fshihet pas tatuazheve të tij më të çmuar.
Ish-ylli i Manchester United, 41 vjeç, ka tatuazhe të ndryshme që shënojnë trupin e tij dhe që i zbuloi pas reklamës për markën e kujdesit për lëkurën, Biotherm Homme.
41-vjeçari thotë se çdo tatuazh që ai ka në trup ka një kuptim në jetën e tij. Ai tregon domethënien e disa prej tatuazheve që ka si për shembull: Shqiponja që është kafsha e tij e preferuar, fjalën “Buster” në qafë, emërtim me të cilin ka thirrur gjithnjë djalin e tij të madh Brooklyn.
Një tatuazh tjetër i ish-yllit të futbollit anglez është fjala “we love you daddy” (të duam babi) e shkruar nga fëmijët e tij. Anija është një tatuazh i njëjtë me atë të babait të tij.
Në dorë ai tregon edhe një vizatim të vajzës Harper dhe numri 99 pasi thotë se viti 1999 ka qenë special për të, viti i martesës me yllin e grupit Spice Girls, Victoria Beckham.
*Shfleto Galerinë
Burimi: Daily Mail
