Një tjetër tatuazh i shtohet trupit të David Beckham. Ai ka më shumë se 40 të tilla në trupin e tij, duke treguar se pas familjes tatuazhet janë dashuria e tij e radhës.
Por çfarë ka bërë tatuazh këtë herë? Ai ka “vizatuar” në anën e djathtë të qafë një kalë ngjyrë kafe. Ish-futbollisti i njohur, që njihet dhe si një prind shembullor, po darkonte me familjen e tij në Los Angeles, ku u shfaq me tatuazhin e ri. Kali ndodhet poshtë tatuazhit “Buster”, të cilin e ka bërë në nder të djalit të tij Brooklyn, sepse Buster është nofka e 17-vjeçarit.
Domethënia e kalit është e paqartë, por Victoria është e fiksuar pas kuajve dhe me shumë mundësi kjo është arsyeja se pse David e ka bërë. Për më tepër, çifti Beckham janë parë duke kalëruar gjatë pushimeve të tyre, këtë verë. Dyshimeve tona i shtohet edhe postimi i bashkëshortes së tij Victoria në “Instagram”, e cila ka “reklamuar” tatuazhin e David.
Ish-futbollisti është shprehur se nuk do të ndalojë së “vizatuari” trupin e tij, pasi i shikon tatuazhet si një mënyrë për të shprehur ndjenjat më të thella në lidhje me gjërat që dëshiron më shumë.
Burimi: Daily Mail
